http://www.digital.lib.esn.ac.lk//handle/1234/14520 2026-04-05T19:37:39Z 2026-04-05T19:37:39Z Vickneswaran.G http://www.digital.lib.esn.ac.lk//handle/1234/14539 2025-09-06T22:05:23Z 2021-01-01T00:00:00Z

Protracted Refuge and Ethno-Nationalistic issue of Bhutanese Magar Ethnic Refugee Community in Nepal Vickneswaran.G This ethnographic study is concerned with Magar ethnic community of Lhotsampas and their pendulant situation in the nationalistic stand. Magars in Bhutan practiced Brahministic ritual tradition before they exiled. After they found refuge in Nepal, they changed their ritual practice from Brahministic one to their original Lamastic tradition of Bonbo sect. Even though actions taken by authorities to repatriate these refugees to Bhutan and the expatriate extremists in refugee camps also compel them to return to their national homeland, Magars refute to return there and stipulate to reintegrate within Nepal population. The study finds that as exiled Magars found their refuge in Nepal, they have changed their ritual tradition in order to adjust their way of life consistent with the Nepal’s Magar communities. Such change has its reflections in ethno-nationalistic stand of this community and it eventually let them to stay firm in reintegration strategy among three enduring resolving strategies of refugee problem.

2021-01-01T00:00:00Z தலிப்.ஐ.எம் http://www.digital.lib.esn.ac.lk//handle/1234/14538 2025-09-06T22:05:22Z 2021-01-01T00:00:00Z

மத்திய கிழக்கு அரபு நாடுகளுக்கு வேலைவாய்ப்பிற்காக குடும்பப் பெண்கள் செல்வதற்கான காரணங்களும் அதனால் அவர்களின் குடும்ப வாழ்வில் ஏற்படும் தாக்கங்களும்: இஸ்லாமிய சமய மற்றும் சமூகப் பார்வை தலிப்.ஐ.எம் ஒரு குடும்ப வாழ்வுக்கு தொழில் இன்றியமையாதது. ஒரு குடும்பத்தில் ஒருவர் மாத்திரம் உழைத்து குடும்ப வாழ்க்கையை சரியாக கொண்டு செல்ல முடியாது என்று கருதுமளவிற்கு வாழ்க்கைச் செலவீனம் மிகைத்துக் காணப்படும் இக்கால சூழலில், குடும்பத் தலைவிகளான பெண்கள் தொழிலுக்காக தமது வீட்டை, தாய் நாட்டை, வீட்டை மற்றும் குடும்பத்தை விட்டு, மத்திய கிழக்கு அரபு நாடுகளுக்கு செல்வதில் உள்ள சிக்கல் நிலமைகளை, இவ்வாய்வு பிரச்சினையாக கொள்கிறது. குடும்பத் தலைவர்களான ஆண்கள் வெளிநாட்டு வேலைவாய்ப்பின் நிமித்தம் செல்வதால் பிரச்சினைகள் இருந்தபோதும், ஒப்பீட்டளவில் ஒரு குடும்பத் தலைவியான தாயின் வெளிக்கிளம்புதலினால், குடும்பத்தில் ஏற்படும் தாக்கங்கள் மிகவும் மோசமானதாகவும், எதிர்கால சந்ததிகளான பிள்ளைகளின் நடத்தையிலும், கல்வியிலும் பலத்த சீரழிவுகளை ஏற்படுத்தி விடுகிறது என்பதை மறுக்க முடியாது, இவ்வாறான சூழலில், இஸ்லாமிய வழிகாட்டல்களை எடுத்துக் காட்டுவதுடன், சமுதாய நடைமுறையில் இதனால் ஏற்படும் அவலங்களை வெளிக்கொணர்வதே இவ்வாய்வின் பிரதான நோக்கமாகும். மத்திய கிழக்கு அரபு நாடுகளை இங்கு நோக்குவதற்கான காரணம், தமிழ்மொழி பேசும் பெண்கள் வேலைவாய்ப்புக்காக, அதிகமாக மத்திய கிழக்கு அரேபிய நாடுகளை நோக்கியே படையெடுப்பதானால், மொழித் தொடர்பாடலில் பல சிரமங்களை எதிர்கொள்கின்றனர், ஆயினும் மலேசியா மற்றும் சிங்கப்பூர் போன்ற நாடுகளில், தமிழ் மற்றும் ஆங்கில மொழிகள் பரவலாக பேசப்படுவதனால், தொடர்பாடல் இலகுவானதாக காணப்பட்டாலும், ஏற்படும் தாக்கங்களும், பாதிப்புக்களும் பொதுவானதே. இதற்கான பகுப்பாய்வு இஸ்லாத்தின் மூலாதாரங்களான அல்குர்ஆன் மற்றும் அல் ஹதீஸ் ஆகியவற்றின் கருத்துக்களின் அடிப்படையில் பெறப்பட்டு, சமுதாய நடைமுறைகளோடு ஒப்பிட்டு விவாதிக்கப்படுகிறது.

2021-01-01T00:00:00Z சிவநாயகம்.செ http://www.digital.lib.esn.ac.lk//handle/1234/14537 2025-09-06T22:06:00Z 2021-01-01T00:00:00Z

சட்ட ஆட்சியும் அது சவாலுக்குட்படுத்தப்பட்டுள்ளமையும் : 2018 ஒக்டோபர் 26 ஆம் திகதிக்குப் பின் ஏற்பட்டிருந்த அரசியல் நெருக்கடியினை அடிப்படையாகக் கொண்ட ஓர் ஆய்வு சிவநாயகம்.செ ஜனநாயக முறைமையில் சட்வாட்சிக் கோட்பாடானது முக்கியத்துவம் வாய்ந்ததாகும். அதாவது ஒருநாட்டில் ஆட்சிமுறையானது சட்டத்தின் அடிப்படையிலேயே மேற்கொள்ளப்பட வேண்டும் என்பதை இது வலியுறுத்துகின்றது. அத்துடன் அந்நாட்டிலுள்ள ஆட்சியாளர்களும், பிரஜைகளும் அங்குள்ள சட்டங்களுக்கு ஒத்தமுறையில் கட்டுப்படுதல் வேண்டும் என்பதை இது வலியுறுத்துகின்றது. இலங்கையில் 2018ஆம் ஆண்டு ஒக்டோபர் மாதம் 26ஆம் திகதி ஆட்சிமாற்றம் தொடர்பாக நிறைவேற்றுத்துறைக்குத் தலைவரான ஜனாதிபதியினால் எடுக்கப்பட்ட சில தீர்மானங்கள் சட்டவாட்சிக் கோட்பாட்டினை சவாலுக்குட்படுத்தியிருந்தன. இதனால் நாட்டில் ஓர் அரசியல் நெருக்கடி நிலை உருவாகியிருந்தது. ஜனாதிபதி நாட்டின் அடிப்படைச் சட்டமாக விளங்குகின்ற அரசியலமைப்பிலுள்ள சில சரத்துக்களை மீறி ஆட்சி மாற்றத்தினை ஏற்படுத்தியதன் காரணமாக இவ்நெருக்கடி நிலை உருவாகியிருந்தது. இவ்நெருக்கடி நிலமையினால் சட்டத்துறையின் உயர் சபையான பாராளுமன்றத்தில் பெரும் கலவரநிலை உருவாகியிருந்ததுடன் நாட்டிலும் அரசாங்கம் பற்றிய குழப்பநிலை நிலவியது. இதனால் நல்லாட்சிமுறை அச்சுறுத்தலுக்குள்ளாகி, ஜனநாயகம் சவாலுக்குட்படுத்தப்பட்டமையினை ஆய்வுப்பிரச்சினையாகக் கொண்டு சட்டவாட்சி பற்றிய தெளிவினைப் பெற்றுக்கொள்வதுடன் ஜனாதிபதி அரசியலமைப்பின் சில ஏற்பாடுகளை மீறியுள்ளமையினை கண்டறிவதனையும் நோக்கமாகக் கொண்டு இவ்வாய்வு மேற்கொள்ளப்பட்டுள்ளது. இந்தவகையில் இவ் ஆய்வானது முதலாம், இரண்டாம் நிலைத் தரவுகளைப் பயன்படுத்தி பண்புரீதியான ஆய்வுமுறையியல் அடிப்படையில் மேற்கொள்ளப்பட்டுள்ளது. ஜனாதிபதி அரசியலமைப்பின் எவ்வேற்பாடுகளை மீறியுள்ளார் என்பதையும் அதன்மூலம் சட்டவாட்சி எவ்வாறு சவாலுக்கு உட்படுத்தப்பட்டுள்ளது என்பதையும் இவ்வாய்வில் கண்டறியப்பட்டுள்ளது. அத்துடன் சட்டவாட்சியைப் பாதுகாப்பதற்கான பல பரிந்துரைகளும் இங்கு முன்வைக்கப்படுகின்றன.

2021-01-01T00:00:00Z சந்திரசேகரம்.சி http://www.digital.lib.esn.ac.lk//handle/1234/14536 2025-09-06T22:05:59Z 2021-01-01T00:00:00Z

இனியவை நாற்பதில் அறமும் அதிகாரமும் சந்திரசேகரம்.சி மனித வாழ்வை மேம்படுத்துவதற்கென வகுக்கப்பட்ட ஒழுக்க விதிமுறைகளின் தொகுப்பாக அறம் அமைகிறது. அறமென்ற இச்சொல் நீதி, ஒழுக்கம், வழக்கம், கடமை, புண்ணியம், ஈகை, அறக்கடவுள், சமயம் என்ற பல்வேறு பொருள்களில் கையாளப்பட்டுள்ளது. சங்கச் செய்யுட்கள் முதல் நவீன இலக்கியங்கள் ஈறாக அறமும் அதன் வழி அதிகாரத்துவமும் வலுவான செல்வாக்கைச் செலுத்தி வந்திருப்பதைக் காணமுடியும். சமூக அசைவியக்கத்தில் கட்டுப்பாடுகளும் ஒழுங்கமைப்புகளும் விதிக்கப்பட்டு வந்துள்ளமையை இது காட்டுகின்றது. 'அறம் வலியுறுத்தல்' மனித நிலைப்படுத்தலுக்குரிய கருவியாக கையாளப்பட்டுள்ளது வெவ்வேறு அடிப்படைகளில் ஒவ்வொரு கால கட்டத்தின் சமூக, அரசியல் சூழ்நிலைகளும் இதற்கு ஏதுவாக அமைந்துள்ளன. காதலையும் வீரத்தையும் முதன்மையான பொருட்கோடலாகக் கொண்ட சங்கச் செய்யுட்களிலும் அறத்தை, நீதியை வலியுத்தும் கருத்துக்கள் செறிந்து காணப்படுகின்றன. அரச அறமும், அரச அதிகாரமும், சமூக நீதியும் வலியுறுத்தப்படவேண்டிய தேவை அக்காலத்தில் இருந்துள்ளது. சங்க காலத்திலிருந்து மாறுபட்ட அரசியல், சமூக, சமயச் சூழ்நிலை சங்கமருவிய காலத்தில் உண்டானபோது முன்னரைவிடவும் சமூக மேன்னிலையாக்கதிற்கு அறம் வலியுத்தலின் அவசியம் உணரப்பட்டுள்ளது. இதன் காரணமாகவே இக்காலத்தில் அறக்கருத்துக்களை வலியுறுத்துகின்ற நூல்கள் எழுந்துள்ளன. பதினெண் கீழ்க்கணக்கு நூல்களில் பதினொன்றும் சிலப்பதிகாரம், மணிமேகலை ஆகிய காப்பியங்களும் அறத்தையே பிரதானப்படுத்துவனவாக ஆக்கப்பட்டுள்ளமையைக் காணலாம். இக்கட்டுரை பூதஞ்சேந்தனாரால் பாடப்பட்ட - பதினெண் கீழ்க்கணக்கு நூல்களுள் ஒன்றாக அமையும் இனியவை நாற்பது என்ற நூலில் வலியுறுத்தப்பட்டுள்ள அறக்கருத்துக்களையும் அவற்றின் அதிகார நிலைப்படுத்தலையும் எடுத்துக் கூறுவதாக அமைகின்றது.

2021-01-01T00:00:00Z