முஸ்லிம்களின் திருமணத்தில் மஹரின் முக்கியத்துவமும் பெறுமானமும் - ஓர் இஸ்லாமிய நோக்கு

Abstract

முஸ்லிம்களுடைய திருமணங்களில் மஹர் என்பது ஒரு முக்கிய விடயமாகக் கொள்ளப்படும் அதேவேளை திருமண ஒப்பந்தம் நிறைவேற்றுவதற்குரிய ஓர் அடிப்படை அம்சமாகவும் காணப்படுகின்றது. நடைமுறைசார் திருமணங்களில் அதிக வேற்றுமைகள் காணப்பட்டாலும் மஹர் குறித்த இஸ்லாத்தின் போதனைகள் பொதுப்படையானதும் மிகத்தெளிவானதுமாகும். மஹர் தொடர்பான இஸ்லாத்தின் போதனைகள் பற்றிய தெளிவான புரிதலின்மையும் தாம் வாழும் பிரதேசங்களிலுள்ள பிற சமூக கலாசார தாக்கங்களும் மஹரின் மூலம் இஸ்லாம் எதிர்பார்க்கின்ற மணப்பெண்ணுக்குரிய அந்தஸ்தை அர்த்தமற்றதாக்கிவிடுகின்றது. எனினும் ஓர் இஸ்லாமியத் திருமணத்தில் வேண்டப்படுகின்ற அம்சங்களுள் மஹர் மிகவும் முக்கியமானதாகும். அதனுடைய முக்கியத்துவத்தையும் பெறுமானத்தையும் அதனால் எதிர்பார்க்கப்படுகின்ற இலக்கையும் வெளிக்கொணர்வதே இவ்வாய்வின் நோக்கமாகும். இவ்வாய்வுக்கான பிரதான தரவுகளாக அல்குர்ஆன் வசனங்களும் ஹதீஸ்களும் பயன்படுத்தப்பட்டுள்ளதோடு பண்புசார் பகுப்பாய்வு பிரயோகிக்கப்பட்டுள்ளது. மஹர் தொடர்பான இஸ்லாத்தின் போதனைகளை தெளிவாக விளக்குவதோடு அது தொடர்பான தேடல்களை இலகுவாக்கவும் இவ்வாய்வு துணைபுரியும்.